Home » Hemangi Kavi and the controversy | काय आहे नेमकं हेमांगी कवी यांचं म्हणणं? बाई, ब्युब्ज आणि ब्रा वरून का उठलं वादंगं?
bra, underwear, lingerie-3873760.jpg

Hemangi Kavi and the controversy | काय आहे नेमकं हेमांगी कवी यांचं म्हणणं? बाई, ब्युब्ज आणि ब्रा वरून का उठलं वादंगं?

Reading Time: 3 minutes

काहीच दिवसांपूर्वी इंस्टाग्रामवर हेमांगी कवी यांच्या चपात्या बनवणाऱ्या व्हिडिओवरून वाद निर्माण झाला होता. थोडक्यात काय होता तो वाद हे आपण जाणून घेणार आहोत या लेखाच्या माध्यमातून.

#नेमका काय होता मुद्दा?

हेमांगी कवी ह्या मराठी मेहनती अभिनेत्री आहेत आणि त्या त्यांच्या इंस्टाग्राम हॅण्डलवर स्टोरी किंवा व्हिडिओ रिल्स शेअर करत असतात. ज्यात काही मनोरंजक तर, काही सामाजिक दृष्टीकोन असणाऱ्या असतात. 

१३ जुलै २०२१ या दिवशी हेमांगीने तिच्या इंस्टाग्राम हॅण्डलवरून “गोल चपाती कशी करायची?” हा छोटा व्हिडिओ शेअर केला होता. त्यावर काहींनी कॉमेंट्स ही केल्या. त्या कॉमेंट्स म्हणजे नेहमीचाच विषय. पण, यावेळी मात्र, हेमंगीच्या रागाचं प्रमाण वाढवणाऱ्या ठरल्या! कारण, कॉमेंट्स मधून तिच्यावर चुकीच्या टीका करणाऱ्या स्त्रियाच होत्या. हे बघून ती आणखीच चिडल्याचं तिने एका इंटरव्ह्यू मध्ये सांगीतले.

हेमांगीने बीबीसी मराठीला दिलेला इंटरव्ह्यू

व्हिडिओ तुफान व्हायरल झाले आणि शेवटी हेमांगीने फेसबुक वर एक पोस्ट टाकत सर्वांच्या चुकीच्या कॉमेंट्स वर सडेतोड उत्तर दिले.

# ती पोस्ट काय होती आपण बघूया!

“बाई, बुब्स आणि ब्रा!”

बाईने तिचे बुब्स (स्तन), त्याला असलेली पुरुषांसारखीच स्तनाग्रे (nipples, tits) आणि त्यांना धरून ठेवायला, झाकायला किंवा मला आवडत नाही पण लोक काय म्हणतील म्हणून लाजेखातर का होईना ब्रा वापरायची की नाही हा सर्वस्वी त्या बाईचा choice असू शकतो!

मग ती घरी असो किंवा social media वर किंवा कुठेही!

हाँ त्यावरून judge करण्याचा, त्याबद्दल घाणेरडया चर्चा आणि gossip करण्याचा सुद्धा ज्याचा त्याचा choice!

पण यानिमित्ताने सांगावसं वाटतं…

ब्रा, ब्रेसीयर (अंतर्वस्त्रा) चा चार लोकांसमोर किंवा social media वर तरी येताना वापरण्याचा, न वापरण्याचा, अश्लीलतेचा, त्या स्त्रीच्या संस्कारांचा, बुद्धिमत्तेचा आणि तिच्या image चा जो काही संबंध जोडला जातो त्यासाठी स्त्रियांना त्यांच्याच शारीरिक स्वातंत्र्यासाठी अजून किती struggle करायचाय हे लक्षात येतं!

आणि गंमत म्हणजे या चर्चा करणाऱ्यांंमध्ये पुरुषांपेक्षा स्त्रियाच जास्त अग्रेसर असतात. पुरुष निदान त्याची मजा घेऊन गप्प बसतात पण स्त्रिया स्वतः त्यातून जात असताना ही खालच्या स्तराला जाऊन चर्चा करून कुठलं पदक मिळवतात कुणास ठाऊक!

Tshirt मधून पुरुषांची दिसणारी स्तनाग्रे किंवा for that matter कपड्यांमधून दिसणारा त्याचा कुठलाही अवयव किती natural पद्धतीने आपण पाहतो किंवा दुर्लक्ष करतो? सवयीचा भाग म्हणूनच ना! मग हेच स्त्रीच्या बाबतीत का घडू नये? पण मग आता सवय करून घ्यायला हवी!

ज्यांना ब्रा आवडीने घालाविशी वाटते, ज्या comfortable आहेत त्यांनी ती जरूर घालावी, मिरवावी anything! Their choice! पण ज्यांना नाहीच आवडत त्यांच्या कडे वेगळ्या नजरेने का बघितलं जावं! किंवा हे का लादलं जावं?

किती तरी मुली ब्रा घालून ही nipples दिसतात म्हणून काय काय उपद्व्याप करतात… 2 2 ब्रा घालतात, nipple area ला tissue paper लावतात, nipple pads वापरतात, चिकट पट्टी लावतात… बाप रे!…कशासाठी एवढं आणि का?

किती तरी मुलींना ब्रा वापरल्याने अस्वस्थ वाटत राहतं, त्यांची इच्छा नसताना ही ‘लोग क्या कहेंगे‘ या साठी घट्ट ब्रा वापरून स्वतःवर अन्याय करत राहतात. कामावरून, बाहेरून आल्यावर ज्या पद्धतीने मुली ब्रा काढून मोकळा श्वास घेतात ते जर त्याच ‘लोग क्या कहेंगे’ लोकांनां दाखवलं ना तर मुलींची दयाच येईल हो!

स्वतःच्या घरात असतानाही घरच्यांसमोर दिवसभर ती ब्रा घालून राहायचं आणि मग रात्री झोपेच्या वेळी ‘काढण्याची मुभा’ दिल्या सारखी काढून ठेवायची! त्यावेळी ही अंगावर ओढणी नाहीतर स्टोल असतोच! कश्यासाठी यार!

बाहेरच्या लोकांचं सोडून देऊ पण घरातले स्वतःचे वडील, भाऊ यांच्यासमोर पण ती ब्रा घालून राहायचं? का? त्याच बापाने मुलीला लहानपणी पूर्ण नग्न अवस्थेत पाहिलेलं असतं ना? मोठ्या किंवा लहान भावानं पाहिलेलं असतं मग मुली मोठ्या झाल्यावर, त्यांचे अवयव वाढल्यावर, त्यांचे अवयव असे मनाविरुद्ध बांधून, झाकून, लपवून ठेवायची काय गरज? ते वाढलेले अवयव जर घरातल्या पुरुषांच्या मनावर परिणाम करत असतील तर तो prob त्या पुरुषांचा आहे!

आमच्या घरात आम्ही घरात असताना ना कधी माझ्या मोठ्या बहिणीने ब्रा घातली ना मी घालत! माझ्या घरात माझे बाबा, मोठा भाऊ, गावाला गेले तर सर्व चुलते, चुलत भाऊ थोडक्यात घरातल्या सर्व पुरुषांसमोर आम्ही without ब्रा वावरतो! आम्हांला असं पाहून ना त्यांचे कधी विचार बदलले ना नजर! ना माझ्या आई मार्फत आम्हांला हे सांगण्यात आलं कारण आमच्याशी असलेलं नातं ‘त्यांच्या’ डोक्यात पक्कं आहे!

आमची लग्न झाल्यावर ही काही बदललं नाही!

बाहेर जाताना, लोकांसमोर किंवा जेव्हा कधी वाटेल तेव्हाच ब्रा वापरली, वापरतो!

याचा माझ्या संस्कारांशी किंवा उगीचच पाश्चिमात्य संस्कृती आत्मसात करण्याचं फॅड वगैरे म्हणून अश्या कुठल्याच गोष्टींंशी काही संबंध नाही!

अरे किती ती बंधनं? किती ते ‘लोक काय म्हणतील’ चं ओझं व्हायचं?

अबे जगू द्या रे मुलींना, मोकळा श्वास घेऊ द्या!

खरंतर हे सर्वात आधी स्त्रियांनीच आपल्या मनावर बिंबवून घ्यायला हवं! स्वइच्छे ने Without ब्रा वावरणे , दिसणारे nipples बघण्याची सवय करून घ्यायली हवी आणि तेवढीच ती द्यायला ही हवी!

# तुम्हाला काय वाटतं?

तिच्या ह्या पोस्ट नंतर सुद्धा काहींना राग आलाच! यावर तुम्हाला काय वाटतं आम्हाला नक्की सांगा आणि आपलं मत नक्की नोंदवा.

अशाच नव नवीन विषयांवर आणखी लेख वाचण्यासाठी आमच्या तरुणाई पोर्टलला नक्की भेट द्या.

लेखिका

खुशाली ढोके

लेखिका M.com आहेत आणि सध्या महिला सबलीकरण या विषयावर काम करत आहेत.

अनेकवचन: 6 thoughts on “Hemangi Kavi and the controversy | काय आहे नेमकं हेमांगी कवी यांचं म्हणणं? बाई, ब्युब्ज आणि ब्रा वरून का उठलं वादंगं?”

  1. पूजा डोंगरे

    खूप छान लेख लिहिलाय हे वाचून तरी पुरुषांना समजेल स्त्रियांना काय काय सहन करावं लागतं ते 👌🙌🙌🙌🙌💜

टिपणी करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

लेखक नोंदणी

तरुणाई डॉट कॉमवर तुमचं साहित्य प्रकाशित करून दर महिन्याला सर्वोत्कृष्ट लेखक पुरस्कार व रोख पारितोषिक मिळवा!